ISFI álggaha sámenuoraid oanehis filbma bargobáji Anáris 10.–12.6.2016

Internašunala Sámi Filbmainstituhtta ISFI álggaha sámenuoraid oanehis filbma bargobáji Anáris ovttasbarggus Sámi oahpahusguovddážin SOGSAKK:in.



Bargobádji lágiduvvo Sámekulturguovddáš Sajosis, geassemánu 17.–19.6.2016. ISFI ohcá prošektii guhtta 16-24 –jahkasaš sámenuora, geat leat beroštuvvan buvttadit, čállit ja bagadallat sámegielat oanehis fikšuvdnafilmmaid. ISFI gokčá bargobádjái oassálasti nuoraid idjadeami, boradeami ja mátkegoluid. Loga eambbo >

ISFI guhkes filbma/TV ráidduid giehtačállin bádji

ISFI guhkes filbma ja TV ráidduid giehtačállin bádji dollojuvvui njukčamánu 1.b – 3.beaivái. Gávcci prošeavtta leat dál iešguđet dásis ovdanan barggus ja bagadallit Olle Wirenhed Götafilm, ja Niclas Ekström buvttiiga buriid rávvagiid giehtačálliide dáid beivviid. 

Guhkes filbma ja TV ráidduid bargobádji lea dehálaš lávki stuorát sámi filbmabuvttademiide ja ISFI bargá garrasit dan guvlui ahte dákkár ruhtadeapmi galggašii sihkkarastojuvvot davviriikalaččat boahttevaš jagiid. Mis lea čehppodat ja mis leat muitalusat mat eai goassege leat muitaluvvon filmmaid bokte. Dál čállit barget viidaseappot ja sávvamis boahtteáiggis beassat oaidnit dáid válmmas filbman.




Egil Pedersen, Olle Wirenhed, Per Ivar Jensen, Silja Somby, Per Josef Idivuoma, Ken Are Bongo, Niclas Ekstöm, Anne Lajla Utsi Govat: Johan Mathis Gaup

Sámi filmmat buohkaide!

Sámi álbmotbeaivve almmustahttá Internašnunála Sámi filbmainstituhtta ođđa bluraya “Sámi short films” mas leat 17 oanehisfilmma, oktiibuot 4 diimmu filbma. – Midjiide lea dehálaš dáinna lágiin čalmmustahttit ođđa sámi filmmaid ja filbmadahkkiid. Lea vuosttaš geardde dákkár bluray almmuhuvvo, illuda Anne Lajla Utsi, Sámi filbmainstituhtas.

Sámi álbmotbeaivve doaluid oktavuođas almmuhuvvoje ge bluraya mas earet eará “7 Sámi Stories” lea oassin. Dasalassin leat 10 eará oanehisfilmma maid fárus “Sámi Short Films” nammasaš filbmačoakkáldagas.

Bluray almmuheapmi čalmmustuvvo máŋgga sajis Sámis. Earet eará de boahta dat leat oassin doaluin Guovdageainnus, Unjárggas, Honnesvágis, Anáris ja Raavrevijkes. Oslos lea sierra čájálmas guovvamánu 7. b. ovttasbarggus Norgga filbmainstituhtain. Ruoŧabealde fitne filmmaid oastit guovvamánu 6. beaivve rájes, muhto doppe lea sierrra almmolaš lanseren Upmis, sámi vahko oktavuođas, njukčamanu 10. beaivve.

Lea ge Norgga Filbmainstituhtta ovttasbarggus Sámi filbmainstituhtain gii lea jođihan barggu almmuhit bluraya. Sámediggi lea juolludan ruđa tekstet filmmaid sámegielaide. Nu lea ge oassi filmmain tekstejuvvon golmma sámegillii, namalassii davvi-, julev- ja oarjelsámegillii. Dasalassin leat filmmat tekstejuvvon dáro- ja eŋgelasgillii.

Blurayas lea maid liigemateriála numo duogášfilmmat ja govvačájáhusat “7 Sámi Stories” filmmain. Bluraya gávnnat vuovdemassii miehtá Sámi ja máksá 250 ruvnnu dahje 25 €. Gos ja eanet dieđuid filmmaid birra gávnnat dás: www.isfi.no/samishorts.

Geahča ovdalaš ođđasiid...